გაყიდვების მენეჯერი

შპს „გლორია“, რომელიც მართავს სასტუმრო „ტიფლის პალასს“ და 5 ვარსკვლავიან საერთაშორისო სასტუმროს, რომელიც 2018 წლის ზაფხულში იხსნება ბათუმში, აცხადებს ვაკანსიას კომპანიის გაყიდვების მენეჯერის თანამდებობაზე.

მოვალეობები:

• პასუხიხმგებელია კომპანიის ყველა სასტუმროს გაყიდვებზე, შემოსავლების დაგეგმვაზე, გაყიდვების სტრატეგიების შემუშავებასა და განხორციელებაზე
• რეგულარულად შეისწავლოს სტუმარმასპინძლობის სფეროში არსებული ტენდენციები, კონკურენტები
• შეიმუშავოს, განაახლოს და განახორციელოს კომპანიის პროდუქტებისა და მომსახურებების ეფექტური გაყიდვების სტრატეგია
• შეიმუშავოს გაყიდვების წლიური გეგმა და უზრუნველყოს კომპანიის მენეჯმენტის მიერ დადგენილი შემოსავლების და მოგების გენერირება
• ტურისტულ სააგენტოებთან, სხვადასხვა კომპანიებთან კომუნიკაციის და ხანგრძლივი თანამშრომლობის დამყარება
• მონაწილეობა მიიღოს ადგილობრივ და საერთაშორისო ტურისტულ გამოფენებში
• სისტემატურად და რეგულარულად განახორციელოს გაყიდვების ვიზიტები და სატელეფონო ზარები არსებულ და პოტენციურ პარტნიორებთან
• ითანამშრომლოს გლობალური განაწილების სისტემებთან (GDS) და გამოიყენოს მათი შემოთავაზებები კომპანიის მიზნების და ამოცანების მიღწევაში
• გამოხატოს ინიციატივა და მონაწილეობა მიიღოს ახალი პროდუქტების და მომსახურებების შემუშავებაში ბაზრისა და მომხმარებლების საჭიროებების ანალიზის საფუძველზე

მოთხოვნები:

• სტუმარმასპინძლობის სფეროში მსგავს თანამდებობაზე მუშაობის გამოცდილება არანაკლებ 3 წლისა
• გამორჩეული მოქნილობა - სტრესის ქვეშ მუშაობის უნარი და ნებისმიერ დროს, თუნდაც რთულ პირობებში, დადებითი შემართების და კომპანიის საუკეთესო იერსახის შენარჩუნების უნარი
• ძლიერი ლიდერი გამორჩეული დარწმუნების, პრეზენტაციის და კომუნიკაციის უნარებით
• ქართული, რუსული და ინგლისური ენების მაღალ დონეზე ცოდნა და ნებისმიერი სახის ინფორმაციის სათანადოდ გადაცემის უნარი
• მივლინებებში წასვლის სურვილი და შესაძლებლობა

კომპანია თანამშრომლებს სთავაზობს კონკურენტულ ხელფასს, ჯანმრთელობის დაზღვევას და სხვა ბენეფიტებს.

თუ თქვენ ხართ ენთუზიაზმით სავსე გამოცდილი პროფესიონალი, რომელსაც სურს პროფესიონალების გუნდთან ერთად შეიტანოს წვლილი კომპანიის ზრდასა და განვითარებაში, დააგროვოს გამოცდილება და განიცადოს კარიერული ზრდა, გთხოვთ, თქვენი რეზიუმე გამოგზავნოთ შემდეგ მისამართზე: hr@tiflispalace.ge და წერილის თემის ველში მიუთითოთ პოზიციის დასახელება.

გთხოვთ, გაითვალისწინეთ, რომ ინტერვიუსთვის დაკავშირება მოხდება მხოლოდ იმ კანდიდატებთან, ვისი რეზიუმეც შეირჩევა აპლიკაციების გადარჩევის საფუძველზე.